sub_h ke dard ko raato.n kii jalan ko bhuule.n
Jan Nissar Akhtar
sub_h ke dard ko raato.n kii jalan ko bhuule.n
kisake ghar jaaye.N ki us vaadaa-shikan ko bhuule.n
aaj tak choT dabaaye nahii.n dabatii dil kii
kis tarah us sanam-e-sang_badan ko bhuule.n
ab sivaa isake madaavaa-e-Gam-e-dil kyaa hai
itanii pii jaaye.N ki har ra.nj-o-mehan ko bhuule.n
[mehan=sorrow]
aur tahaziib-e-gam-e-ishq nibaah de kuchh din
aaKhirii vaqt me.n kyaa apane chalan ko bhuule.n