bujhii huii shamaa kaa dhuaa.N huu.N aur apane markaz ko jaa rahaa huu.N

bujhii huii shamaa kaa dhuaa.N huu.N aur apane markaz ko jaa rahaa huu.N 
ke dil kii hastii to miT chukii hai ab apanii hastii miTaa rahaa huu.N 

[markaz=fixed station] 

muhabbat insaan kii hai fitrat kahaa hai inqaa ne kar ke ulfat 
vo aur bhii yaad aa rahaa hai mai.n us ko jitanaa bhulaa rahaa huu.N 

ye vaqt hai mujh pe ba.ndagii kaa jise kaho sajdaa kar luu.N varnaa 
azal se taa be-afriinat mai.n aap apanaa Khudaa rahaa huu.N 

zabaa.N pe labaik har nafas me.n zamii.n pe sajde hai.n har qadam par 
chalaa huu.N yuu.N butakade ko naaseh, ke jaise kaabe ko jaa rahaa huu.N 

[labaik=in thy service]