Home | Index of Poets Jigar Moradabadi

ishq fanaa kaa naam hai ishq me.n zindagii na dekh


ishq fanaa kaa naam hai ishq me.n zindagii na dekh 
jalvaaa-e-aaftaab ban zarre me.n roshanii na dekh 

shauq ko rah_numaa banaa jo ho chukaa kabhii na dekh 
aag dabii hu_ii nikaal aag bujhii hu_ii na dekh 

tujh ko Khudaa kaa vaastaa tuu merii zindagii na dekh 
jis kii sahar bhii shaam ho us kii siyaah shavii na dekh 

Home | Index of Poets Jigar Moradabadi
Maintained by Nita Awatramani
URL: http://www.urdupoetry.com
Last updated on: 25th February, 2003