mile Gam se apane fursat to sunaauu.N vo fasaanaa
Moen Ahsan Jazbi
mile Gam se apane fursat to sunaauu.N vo fasaanaa
ki Tapak pa.De nazar se may-e-ishrat-e-shabaanaa
[may=wine; ishrat=happiness; shabaanaa=night]
yahii zindagii musiibat yahii zindagii musarrat
yahii zindagii haqiiqat yahii zindagii fasaanaa
[musarrat=happiness]
kabhii dard kii tamannaa kabhii koshish-e-madaavaa
kabhii bijaliyo.n kii Khvaahish kabhii fiqr-e-aashiyaanaa
[madaavaa=cure]
mere kahakaho.n ke zad par kabhii gardishe.n jahaa.N kii
mere aa.Nsuuo.n kii rau me.n kabhii talKhii-e-zamaanaa
[zad= bound by;gardish=ill luck]
kabhii mai.n huu.N tujhase naalaa kabhii mujhase tuu pareshaa.N
kabhii mai.n teraa hadaf huu.N kabhii tuu meraa nishaanaa
jise paa sakaa na zaahid jise chhuu sakaa na suufii
vahii tiir chhe.Dataa hai meraa soz-e-shaayaraanaa