kahate hai.n mujhase ishq kaa afasaanaa chaahiye
Qamar Jalalwi
meraa Khaamosh rah kar bhii u.nhe.n sab kuchh sunaa denaa
zabaa.N se kuchh na kahanaa dekh akr a.Nsuu bahaa denaa
nasheman ho na ho ye to falak kaa mashGalaa Thaharaa
ki do tinake jahaa.N par dekhanaa bijalii giraa denaa
ijaazat ho to kah duu.Nqissaa-e-ulfat sar-e-mahafil
mujhe kuchh to fasaanaa yaad hai kuchh tum sunaa denaa
mai.n mujarim huu.N mujhe iqaraar hai jurm-e-muhabbat kaa
magar pahale Khataa par Gaur kar lo phir sazaa denaa
mai.n is haalat me.n pahu.Nchaa hashravaale Khud pukaar uThe
koii fariyaad karane a rahaa hai raastaa denaa