Home | Index of Poets Iftikhar Imam Siddiqui

vo Khvaab thaa bikhar gayaa Khayaal thaa milaa nahii.n


vo Khvaab thaa bikhar gayaa Khayaal thaa milaa nahii.n 
magar ai dil ko kyaa huaa kyo.n bujh gayaa pataa nahii.n 

har ek din udaas din tamaam shab udaasiyaa.N 
kisii se kyaa bichha.D gaye ki jaise kuchh bachaa nahii.n 

vo saath thaa to manzile.n nazar nazar chiraaG thii.n 
qadam qadam safar me.n ab ko_ii bhii lab duaa nahii.n 

ham apane is mizaaj me.n kahii.n bhii ghar na ho sake 
kisii se ham mile nahii.n kisii se dil milaa nahii.n 

hai shor-saa taraf taraf ki sarhado.n kii jang me.n 
zamii.n pe aadamii nahii.n falak pe kyaa Khudaa nahii.n 

Home | Index of Poets Iftikhar Imam Siddiqui
Maintained by Nita Awatramani
URL: http://www.urdupoetry.com
Last updated on: 22nd February, 2003