Home | Index of Poets Hakim Nasir

jab se tuune mujhe diivaanaa banaa rakhaa hai


jab se tuune mujhe diivaanaa banaa rakhaa hai 
sang har shaKhs ne haatho.n me.n uThaa rakhaa hai 

[sang=stone] 

us ke dil par bhii ka.Dii ishq me.n guzarii hogii 
naam jis ne bhii muhabbat kaa sazaa rakhaa hai 

pattharo.n aaj mere sar pe baraste kyuu.N ho 
mai.n ne tum ko bhii apanaa Khudaa rakhaa hai 

ab mere diid kii duniyaa bhii tamaashaa_ii hai 
tuune kyaa mujhako muhabbat me.n banaa rakhaa hai 

piijaa aiyaam kii talKhii ko bhii ha.Nsake "Nasir" 
Gam ko sahane me.n bhii kudarat ne mazaa rakhaa hai 

[ayyam=days; talKhii=bitterness] 

Home | Index of Poets Hakim Nasir
Maintained by Nita Awatramani
URL: http://www.urdupoetry.com
Last updated on: 22nd November, 2001