masiih-e-vaqt sahii ham ko is se kyaa lenaa

masiih-e-vaqt sahii ham ko is se kyaa lenaa 
kabhii mile bhii to dard-e-dil ba.Dhaa lenaa 

hazaar tark-e-vafaa kaa Khayaal ho lekin 
jo ruu-ba-ruu huu.N to ba.Dh ke gale lagaa lenaa 

kisii ko choT lage apane dil ko Khuu.N karanaa 
zamaane bhar ke Gamo.n ko gale lagaa lenaa 

Khumaar TuuTe to kaise ke ham ne siikh liyaa 
tuu na ho to terii yaad se nashaa lenaa 

safiinaa Duub bhii jaaye to Gam nahii.n 'Farig'
na bhuul kar kabhii ehasaan-e-naaKhudaa lenaa