Home | Index of Poets Ahmed Faraz

ab naye saal kii mohalat nahii.n milane vaalii


ab naye saal kii mohalat nahii.n milane vaalii 
aa chuke ab to shab-o-roz azaabo.n vaale 

[mohalat=time; shab-o-roz=night and day; azaab=pain/misfortune] 

ab to sab dashnaa-o-Khanjar kii zubaa.N bolate hai.n 
ab kahaa.N log muhabbat ke nisaabo.n vaale 

[dashnaa=dagger] 

zindaa rahane kii tamannaa ho to ho jaate hai.n 
faaKhtaao.n ke bhii kirdaar uqaabo.n vaale 

na mere zaKhm khile hai.n na teraa rang-e-hinaa 
mausam aaye hii nahii.n ab ke gulaabo.n vaale 

Home | Index of Poets Ahmed Faraz
Maintained by Nita Awatramani
URL: http://www.urdupoetry.com
Last updated on: 20th May, 2001