Home | Index of Poets Ahmed Faraz

tum bhi Khafaa ho log bhii beraham hai.n dosto


tum bhi Khafaa ho log bhii beraham hai.n dosto 
ab ho chalaa yaqii.n ke bure ham hai.n dosto 

kis ko hamaare haal se nisbat hai kyaa kare.n 
aa.Nkhe.n to dushmano.n kii bhii pur_nam hai.n dosto 

apane sivaa hamaare na hone kaa Gam kise 
apanii talaash me.n to ham hii ham hai.n dosto 

kuchh aaj shaam hii se hai dil bhii bujhaa bujhaa 
kuchh shahar ke chiraaG bhii maddham hai.n dosto 

is shahar-e-aarazuu se bhi baahar nikal chalo 
ab dil kii raunaqe.n bhii ko_ii dam hai.n dosto 

sab kuchh sahii 'Faraz' par itanaa zaruur hai 
duniyaa me.n aise log bahut kam hai.n dosto 

Home | Index of Poets Ahmed Faraz
Maintained by Nita Awatramani
URL: http://www.urdupoetry.com
Last updated on: 30th April, 2001