Home | Index of Poets Ahmed Faraz

kaThin hai raah_guzar tho.Dii duur saath chalo


kaThin hai raah_guzar tho.Dii duur saath chalo 
bahut ba.Daa hai safar tho.Dii duur saath chaalo 

tamaam umr kahaa.N ko_ii saath detaa hai 
mai.n jaanataa huu.N magar tho.Dii duur saath chalo 

nashe me.n chuur huu.N mai.n bhii tumhe.n bhii hosh nahii.n 
ba.Daa mazaa ho agar tho.Dii duur saath chalo 

ye ek shab kii mulaaqaat bhii Ganimat hai 
kise hai kal kii Khabar tho.Dii duur saath chalo 

abhii to jaag rahe hai.n chiraaG raaho.n ke 
abhii hai duur sahar tho.Dii duur saath chalo 

tavaaf-e-manzil-e-jaanaa.N hame.n bhii karanaa hai 
'Faraz' tum bhii agar tho.Dii duur saath chalo

Contributed by Sana and Arif

Home | Index of Poets Ahmed Faraz
Maintained by Nita Awatramani
URL: http://www.urdupoetry.com
Last updated on: 30th April, 2001