Home | Index of Poets Ahmed Faraz

ye aalam shauq kaa dekhaa na jaaye


ye aalam shauq kaa dekhaa na jaaye 
vo but hai yaa Khudaa dekhaa na jaaye 

ye kin nazaro.n se tum ne aaj dekhaa 
ke teraa dekhanaa dekha naa jaaye 

hameshaa ke liye mujh se bichha.D jaa 
ye manzar baarahaa dekhaa na jaaye 

Galat hai jo sunaa par aazamaa kar 
tujhe ai baavafaa dekhaa na jaaye 

ye maharuumii nahii.n paas-e-vafaa hai 
ko_ii tere sivaa dekhaa na jaaye 

yahii to aashnaa banate hai.n aaKhir
ko_ii naa_aashnaa dekhaa na jaaye

'Faraz' apane sivaa hai kaun teraa 
tujhe tujh se judaa dekhaa na jaaye 

Contributed by Rajeev M. Patel

Home | Index of Poets Ahmed Faraz
Maintained by Nita Awatramani
URL: http://www.urdupoetry.com
Last updated on: 30th April, 2001