aadam ko ajab Khudaa ne rutbaa baKhshaa
adanaa ke liye maqaam-e-aalaa baKhshaa
aqal-o-hunar-o-tamiiz-o-jaan-o-imaan
is ek kaf-e-Khaak ko kyaa kyaa baKhshaa
 
[rutbaa=status; adanaa=puny; maqaam=rank; aalaa=highest/best]
[aqal-o-hunar-o-tamiiz-o-jaan-o-imaan=sense and sensibilty, wisdom and faith (good qualities)]
[kaf-e-Khaak=handful of dust]

kis muu.Nh se kahuu.N laayaq-e-tahsiin mai.n huu.N
kyaa lutf jo gul kahe rangiin mai.n huu.N
hotii hai halaavat-e-suKhan Khud zaahir
kahatii hai kahii.n shakkar ke shiriin mai.n huu.N
 
[laayaq-e-tahsiin=worthy of praise; halaavat-e-suKhan=sweetness of speech]
[shakkar=sugar; shiriin=sweet]

duniyaa bhii ajab saraaye faanii dekhii
har chiiz yahaa.N kii aanii-jaanii dekhii
jo aake na jaaye vo bu.Daapaa dekhaa
jo jaa ke na aaye vo javaanii dekhii
 
[saraaye=inn; faanii=easily destroyed/fragile/not permanent]