Contributed by Fayaz Razvi
 
ahal-e-Garuur-o-hiras ko kyaa zikr-e-sharf
taa-charKh bhii pahu.Nch ke vo shaitaan hii rahe
 
[charKh = sky]

Contributed by Fayaz Razvi
 
ham aah bhii karate hai.n to ho jaate hai.n bad_naam
vo qatl bhii karate hai.n to charchaa nahii.n hotaa

chho.D 'literature' ko apanii, 'history' ko bhuul jaa
sheKh-o-masjid se ta'alluq tark kar 'school' jaa
chaar din kii zindagii hai koft se kyaa faayadaa
khaa 'double-roti' 'clerky' kar Khushii se phuul jaa

ham urduu ko arbii kyo.n na kare.n
hindii ko vo bhaashaa kyo.n na kare.n
jaga.De ke liye aKhbaaro.n me.n
mazamuu.N taraashaa kyo.n na kare.n
aapas me.n adaavat kuchh bhii nahii.n
lekin ik akhaaraa qaayam hai
jab is se falak kaa dil bahale
ham log tamaashaa kyo.n na kare.n

sheKh apanii rag ko kyaa kare.n reshe ko kyaa kare.n
mazhab ke jhaga.De chho.De.n to peshe ko kyaa kare.n
farahaad se kahaa munaasib hai tujh ko sabr
kahane lagaa bataaye.n teshe ko kyaa kare.n